|
أم بريص – زاوية ساخرة
محادثة تربوية
المعلم: تعال يا عيل... إنت ولد من؟
الطالب: أنا ولد أبو جفال....
المعلم: آه ... إنت ولد فريجة ..... كيف حال أمك يا ولد؟
الطالب: بخير.... وكيف إنت بتعرف أمي؟
المعلم: كان وحنا ظعوف بنسرح مع الغنم... كان عليها دور ترد الغنم وأنا علي
دور... ومرة
ردحني الكبش وهي فزعت لي..
الطالب: وكيف إنت صرت أستاذ وأمي ما صارت أستاذة!!!!
وصفة الدكتور
أبو مفظي مشى على الدكتور وكتب له وصفة دواء.. وأبو مفظي زلمة ما بيعرف يقرا...
نادى
العيل وقال له: أقرا إيش مكتوب فيها..
قال: يا جد مكتوب فيها اذبح ديك عربي واشرب مرقته...
قام على طول وفي إيده خوصة وقام يذبح في الديوك، واحد ورا الثاني...
فزعت أم مفظي لديوكها.. وقامت تشتم على الدكاترة ويومهم.. وهذا وصفة الدكتور!!
الأم مدرسة إذا أعددتها
عيل أم خويصة مروح من المدرسة وبيصيح.. وأم خويصة حرمة شرانية وما بتصدق تلقى
لها
حجة منشان تسوي طوشة.. "جت منك يا جامع"..
حطت ثوبها في سنونها وانطلقت على المدرسة وهي بتهدر.. ولمن وصلت صارت تزعق على
طول راسها... وينهو الزلمة اللي يلاقيني... وامسك الزلام عن الزلام..
إعلان
أبو مفظي زلمه زين، وشقه ما بيخلا من النشامى الطيبة. وهو خطية كمان بيحل مشاكل
الناس.
ولمنه نوى يمشي على الأردن رحلة مع جماعته، كتب قارمة عند الشق وكتب فيها: أناه
مش موجود في المنطقة، وطشيت في بلاد بره، وطالع من اليوم إلى إشعار آخر.. ولا
تواخذوني يا جماعة الخير، إذا في أي مشكلة أو أية حاجة، الجماعة اللي مطرحيه
بتسد.
القبظة
الشايب أبو محمد قابظ من البيتوح .. وملقي على بيليفون وده يشتري تلفون "دور
شليشي" ..
سألوه الناس: إيش ودك بالتلفون؟ منته معك تلفون! ... قال: وديه أصور أم محمد
وهي بتسرح مع
الغنم منشان ايكون لها تذكار قبل ما أتجوز عليها.
العصبي والإرهاب
الرجّال عصبي، والكل بيخاف منه، وما حدّ له حيلة يقعد قدامه... حتى الحرمة
بتخاف منه.
ومرة بيتلفن عليها، شافت التلفون وهو بيرجّ... قالت: ول ول ول.. حتى التلفون
بيخاف منك!!
الحياة العصرية
أم محمد صارت موديرني .. صارت تشتري خبز شاخور من الدكانة بدال ما كانت تقعد
ساعة
وهي بتولع في النار ... وبتغدّي أبو محمد حمص وسردينه مطرح ما كانت بتطبخ له
عدس
وخبيزة...
ما هو كمان صح خسارة على الوقت، عشان في مسلسلات وأفلام وبلاش نظيعها!!!
قرع
أبو مفظي قارع العيل على السفر.
ولمنه طلع من الدار شاف أبو محمد وإنه قارع له بالسيارة.
ولمن مشى على السوق كمان جاب للحرمة قرع، وقال لهيه: أطبخيه على عدس.
ولمنها طبخت غير وإنه جرس المدرسة بيقرع، وجو الظعوف واتغدوا، وجابوا معهم ظيوف
من كفر قرع. وصحتين وعافية ع قلوبكو.
القسمة
ودهم يجوزوا البنت للشايب.
قالت: ما ودي إياه.
ولمن قالوا لهيه: غني ومليان دراهم، وبتورثي من بعده. قالت لأهلها: طيب خليه
يتقدم، قبل ما يموت.
دورة المقراش في الطبيعة
أبو مفظي استولى على دلم أرض، وسوى له مقراش سيارات.
وبعد سنة صار مقراش للعب الفوطبول.
وبعده بسنة صار مقراش للسكن.
|
