|
العار عند البدو
أقول يا قرابة وين أدسّ
وجيهي من أهل الديرة
وإيش أقول,
أقول جاري
خانّي بعدين الناس تذم الجيرة
من فعلت شب الشيب
في الراس، ودب العقل حيرة
في ليلة والدنيا قمرة وقميرة
تمد يد خاسية لئيمة
تمدها على ختيار وحريمه
أشهد لله إن عملتك هذي ذميمة
تاخذ البنت كأنها غنيمة
ودمعها صار زي دمع اليتيمة
والقلب انجرح بجروح أليمة
وصار القلب يحكي من صميمه
لكن كلام القلب من صميمه
ما هو دواء للعقول السقيمة
جميع الحواس تعطلت وال
لسان أطلق ينظم الشعر نظيمة
أنا ابن العيلة الكريمة
تذوّقني أمرّ
طعم للهزيمة
من قبلك ما أعرف الهزيمة
لكنك أرغمتني رغيمة
أقول بفعلتك لا تخرف الناس
أنا ما أرجي الخير من يد عديمة
ولا أرجي غزر السحاب
مع الريح من مزنة عقيمة
صدقني لو طلبت البنت زوّجتك
وزدتك مال وسويت لك وليمة
ولو طلبت المال مالي
في طرف الخيمة تحت دمس ثقيله
لكن تلحق ظهري العار
هذي عادة أنكرتها البدوان القديمة
ظبيتك الليالي عندي
وذبحت لك من الحلال بهيمة
أقول ما هو رجل اللي
ينكر الجميل,
هذا رجل لصيمة
واللي يباعد بين القلوب الحميمة
الله لا يعزه ولا يديمه
ويد تسللت على الحريم
هذي أبد ما هي زعيمة
إيش أقول للناس والخليقة
لمنها تلتم عليّ لميمة
أقول البنت أكلتها الظباعة
ولا أحدثهم عن المرجله الذميمة
وناس تبكي معي وناس
تهزا بي وناس تحب النميمة
وإن ظفرتك ما يرضيني
إلا شوية من كتفك غدا وقت الظهيرة
لاكتم الأمر بيني وبين نفسي كتيمة
وأرجمك بالحجارة رجيمة
إنت ما تدري إن العارفين مقامي
وعند الشريفين أشنع جريمة
ولا تدي إن العار عند
البدوان أشنع جريمة
الطالب
إبراهيم النعامي
مدرسة النور الإعدادية/
حورة |
