العدد  442     الثلاثاء 1/5/2007     14 ربيع الثاني 1428 هـ

أم بريص – زاوية ساخرة

أبو جفال وممثلة البديو كليب

أبو جفال قاعد على التلفزيون، وأعجبه بديو كليب للفنانة سوني, وحط في راسه انه يرميها ضرة على أم جفال (عشان سنونها طاحن), وبعد أكم يوم دبر رقم تلفونها وعبى البلفون كرت وضرب على لبنان:

طوط  طوط  طوط طوط

الفنانة سوني: ألوو

أبو جفال: هالووو

سوني: آهلين وسهلين

أبو جفال: وشلونك يا سوني

سوني: أنأ مليحة

أبو جفال: مليحه!! سامحينيه يا مليحه شكلي غلطت بالنمرة، أنا وديه سوني.

سوني: ولو شو هيدا الكلام, أنا سوني.

أبو جفال: طيب ما دامك سوني ما يخالف، وديه أطق معكي حنك.

سوني: على عيني، مين عم بيحاكيني؟

أبو جفال: أنأ أبو جفال ولد مفظي أخو عبيان, وانتي من وين بلا صغره.

سوني: شو بتقول؟ دخيلك ماعم بفهم .

أبو جفال: أيـــه يا بلشتنا الطويلة بدينا بالكلام العنقليزي.

سوني: أنا عم بحكي عربي.

أبو جفال: أنتي عم والا خال? هاهاها.

سوني: أنا ماعم بفهم عليك شو بتدريد؟

أبو جفال: انتي "ماعم"؟ يكفّ عنا شركي!! إيش هذا? بدينا باللف والدوران. ويش ماعم هذا? أنا بس وديه أسولف معك شوي.

سوني: أيوه هلأ فهمت عليك... من وين عم تحكي وهلأ شو عامل؟

أبو جفال: من وين أحكي?! اما سوعال مو في محله. أكيد من أفمي. وبالنسبة للعمل أنا باشتغل شومير على المدرسة اللي جنبنا وأبشركي كمان بطق في اللشكاة، بس لا تجيبي سيرة لحد.

سوني: دخيلك إحكي عربي ماعم بفهم.

أبو جفال: أما أنا شفت لك يا بنت فديو كلب وانتي راكبه بصندوق والناس بيصرخوا تحتكي، قلت يا ولد خلنيه اجيب هالبنية ونطلع اناه واياها على العزبة واعطيها تصير راعية لغنمتي. وأبشرك عندنا شياه أربعه وست صخـلات وتيسين وسلقه وخيمه وتندر ما فيها بيتوح. ولا تخافي بجيب بنت أم جفال تساعدكي.

طوط  طوط  طوط  طوط

أبو جفال: أفا يا بنت يا سوني، تسكرين الخط في وجهي؟!! ياحييييف ما هذا اللي هقيته منكي. بعد ما خسرت عليكي الكرت تسكري الخط وحتى ما تعطينيه وجه. اخس على هيك نسوان.

الحكمة والمحكمة والحكم

  الرجّال مشى على الحكمة وجاب دواء، وبعدين لقّى على المحكمة وحكموا عليه 500 شيكل، وولده كمان في السجن محكوم وزاره في السجن، وروّح على البيت والحرمة كمان ودها تتحكم فيه: وين كنت وعلى من مشيت؟

الحامظ والربيون

أبو محمد بيقول: الحامظ غالي والربيون رخيص.

قال له أبو جفال: علامك يا زلمه، تقول إنك مخربط.

قال له أبو محمد: يعني الحامظ مش موجود، وجابوا بداله ربيون، واحنا محنا لاقيين حامظ لأنه ما في سرحة للحلال ولا قطعة أرض يسرحن فيها، ولازم الواحد يشتري ربيون علشان يعوظ الحامظ.

مكينة تطقيش

الرجال مسوي له مكينة، والمكينة بتاخذ 100 بيظة وعلى درجة حرارة معينة بيطقشن، يعني عيسك مورشيه، وجاهز لفصل الربيع لمن الدجاج يبدا يبيظ.

ومسوي حساب كيف يلم البيظ وما تنقطع المكينة، يعني وده يخلي العيسك شغال. وإنتو عارفين قديش بيكلف صوص الدجاج، وعلى التسعيرة وده يمشي الرجال.

الرجاء ولا واحد يجيب سيرة عشان العيسك يمشي.

   إطبع                                         أرسل إلى صديق

العودة إلى صفحة العناوين

مطلوب

مجلس حورة المحلي