|
أم بريص – زاوية ساخرة
الفتاشة والخروف
هذا أخينا بالله، مصدِّق هالخراريف وماشي له على فتاحة، تفتش
له.
قالت له الفتاحة: إنته وجعان، ولازم تذبح لك خروف، وتشيع لي
نصه، بعدين بتطيب.
المسكين صدّقها، وذبح، وما طاب!!.
ولمنه مشى على الفتاحة قالت له: الله يسهل عليك، خلينا نشوف
غيرك.
سَلَق
البنت بتقول لأمها: يا يمه إيش ودكي نسوي عشا؟
قالت أمها: يمكي جبت ربطة سَلَق.. سويها.
قالت: يا يمه، اخوانيه ما بيريدوها.
قالت لهيه أمها: معناته اسلقي لهمه بطاطا وبيظ سلق.
الشق أعلن الإفلاس
شق أبو مفظي بشاط ريقل، من قلة الناس اللي ما بيجوا عليه.
قال: أحسن من وجع الراس.
عدة عرب
اللشكاة شيعت ولد أبو جفال على شغل، وهو ما وده يشتغل، إيش سوى؟
لبس عدة عرب، جلابية ومرير، وأخذ كمان السبحة شغلة أبوه،
والبكور، ومشى عليهم.
قالوا له: لو متئيم، وختموا له على الورقة وروّح!!.
وأم بريص بتقول للناس: لا تسووا زي ولد أبو جفال، وتسرقوا خطته،
وتسبقوه على مطارح ثانية اساع ما مشى عليهن، وغير يشيعوه عليهن ووده يستعمل
الخطة فيهن.
التلفزيون الخربان
تلفزيون أبو جفال خرب. قال لولده: إرميه بعيد.
قال له ولده: قبل ما أرميه، وديه أفككه وأطلع منه النحاس
والمنطليس (المغنطيس).
قال له أبوه: النحاس عارفينه بينباع، وإيش قصة المنطليس.
قال له ولده: بنحطه على ساعة المية، والساعة ما بتمشي.
قال له أبوه: هذا حرام، نشرب مية مسروقة، ونتوظى بالميه
المسروقة!.
قال له ولده: أناه شفت جارنا حاط على ساعته مغناطيس وبيتوظى
بهيه.
قال له أبوه: يا ولديه.. حسابهم عند الله، وخليك من الناس.
لافتة بدون معنى
الشاب من كثر سرقة السيارات صار معه مرسيدس، والمشكلة حاط له
قارمة على السيارة مكتوب عليها "هذا من فضل ربي"!.
ونفس الحاجة تجار المخدرات ماسكين هالشيلت، تقول شيلت نهاق حداش!.
رافقتكو السلامة!
سلامة طالع من بلده في السيارة، وكانت قارمة مكتوب فيها "رافقتكو
السلامة"!.
سوى حادث، وقال لأبو مفظي: وإيش فايدة هالقارمة اللي مكتوب فيها
"رافقتكو السلامة"؟!
قال له أبو مفظي: أي هو إنته مسرع على الآخر، والسلامة مش
مرافقتك لا إنته ولا غيرك!!.
تسلية الصيف
هذا أبو جفال من كثر الذبان اللي في داره، صار يتصايد ذبان
بالمغيط شغل شعر بنته، ومنه كمان بيتسلى عليهن.
إنتخابات
-
سمعت يا أبو سالم إنهم ودهم يسنوا قانون جديد، إنه كل واحد وده
يترشح لازم يكون معه شهادة ثاني عشر!.
- والله
أناه خايف من الانتخابات الجاي، أناه عنديه أصوات كثيرة وفي أمل آخذ الرئاسة،
بس أناه خلصت صف رابع، وما ظنيت تصح لي حتى لو جبت كل هالأصوات.
- إن
شاء الله إنهم ما يسنوا هالقانون، حتى كل الأميين اللي زي أفضالك يشاركوا في
الانتخابات. |
