العدد  449     الثلاثاء 19/6/2007     4 جمادى الآخرة 1428 هـ

أم بريص- زاوية ساخرة

كناس في المتناس

الرجال سمع عن محاظرة في المتناس، موظوعها التوفير في المصاريف.

جا بالسيارة على المتناس، ووقّف أفوخ بالسيارة. ولمنه طلع من المتناس لقي على السيارة كناس.

صار يقول: يا ناس.. يا ناس.. من حط لي كناس؟

يعني الجية على المحاظرة كلفت الرجال أكثر من متين شيكل.

بدري ع الانتخابات

هل تعلم أن أبو جفال من هالحين بيحظر في حاله للانتخابات، وبيقول: كود تصح لي شغلة؟.

والمثل بيقول: الكل بيدز النار على قرصه.

شموليك والخاروف

شموليك بيتلبد لأبو جفال علشان يصح له خاروف.

وأبو جفال بيقول لشموليك: اليوم بح متنوت.. إنتو بتشوفوالحلال ما لهنه سرحة ولا قطعة أرض يسرحن فيها، وودك خاروف؟!

الحافي

مسكوا أبو مفظي بيسوق حافي.

ومزعوه دوخ.

قال: لو بدري كان لبست خلقة الكندرة المقطوعة!!.

 والدوخ اللي أخذته بحق كندرتين.

التزايد الطبيعي

هذا الرجّال عنده عشر حريم، وكل 4 تشهر حرمة من حريمه بتولد، وبيذبح ذبيحة وبيعزم.

ومن مكيّف عليه؟ تاجر الحلال.. بيبيعه حلال وبيتعشى عنده، ومسوي معه خوزيه ما يشتري إلا من عنده. والمشكلة طالع خسران مع الأجاويد، يعني وينها مرة بيعزموه.

قال: من هذا ورايح، الحرمة اللي بتولد- لمنها تروح على أبوها يذبح لهيه، وأناه مش ملحق ذبح حلال.

محو الأمية

أبو جفال تعلم لغة عربية فصحى، ولمن روح على البيت قال للحرمة: زوغي انصرفي سوي كباية شاي.

قالت: فوق ما بتطردنيه ودك كباية شاي؟

قال لهيه: هيذي لغة عربية فصحى.

قالت له: ودك أحطها في فعل؟

قال لهيه: حطيها في فعل.

قالت له: صرفة تصرفك.

الأعراب والإعراب

الأستاذ بيقول للولد: هات لي بيت شعر.

قال له الولد: والله يا استاذ ما عندنا بيت شعر.. عندنا بيت من حجر.. وبيت الشعر ما بتلقاه إلا في بلاد بره.. مسويينه تراث بدوي، يعني سرقوا منا العادات والتقاليد، واحنا سرقنا منهم عاداتهم وتقاليدهم والديمقراطية..

رفرف

أبو محمد بيركب للحرمة رف لصحون الجلي في العريشة، وبيغني لهيه: رفرف حبك يا جميل.

قالت له حرمته: أناه مش جميل.. أناه جفيلة.

قال لهيه: الفهم من الله.

قوارم

ليش أكثر القوارم للمحلات التجارية باللغة العبرية؟! وِلا نسبة كثيرة من الناس دارسين اللغة العبرية ومشان هذا حاطين شيلوت بالعبري؟

طيب وإيش ذنب أبو جفال ما بيعرف يقرا عبري؟

مشاوير

أم محمد عليها مشوار، ولمن جت من المشوار جابت معها استشوار، والمشكلة كمان لمنها مشت ما أخذت شور جوزها.

المتلبس

ولد أبو جفال طلع من البيت الصبح، لابس ومتلبس، ومشى على ملبس (بيتح تكفا).

وآخر النهار زبطه البوليص متلبِّس وبيسرق مسجل سيارة.

ولبّسه هالتك تلبِّس، قبل ما ياكل ملبَّس بحق المسجل.

   إطبع                                         أرسل إلى صديق

العودة إلى صفحة العناوين

مطلوب

مجلس حورة المحلي